Die Amerikaners noem dit “moonshine” , die Duitsers noem dit “Snaps”, die Switsers noem dit “Kirsch” en die Iere verwys daarna as “Poteen”. In Suid-Afrika is dit meer bekend as Mampoer in die ou Transvaal en Witblits in die ou Kaap.
Mampoer en Witblits, wat `n groot deel uitmaak van die kleurvolle Kultuur van Suid-Afrika, het tradisioneel, volgens oorlewering, saam van die Kaap na die Noorde getrek en is destyds op verskeie plase agter die dam gestook.
Op 5 Maart 1983 is die Kultuur Stokers Gilde in die lewe geroep om om te sien na die voortbestaan en uitbouing van hierdie kultuur wat kommersieël bedreig word.
Daar word jaarliks `n Mampoer fees gehou, deur die Kultuur Stoker Gilde van Suid Afrika, waar die gesoute Stokers lede hul “dop” kom wys en hul passie vir hierdie kultuur, met ons mede Suid-Afrikaners kan deel. 
|
Kuns van Stook
